🎓 आदरणीय पालकांनो आणि प्रिय विद्यार्थिमित्रांनो, 🙏

" शिक्षण म्हणजे केवळ गुण नाही, तर जीवनाचा पाया घडवणारी एक पवित्र प्रक्रिया आहे."

येत्या 16 जून, सोमवारपासून शाळा सुरु होत आहे. दहावी – हे वर्ष केवळ एका परीक्षेपुरतं नाही, तर पाल्याच्या जीवनातील वळणावरील अत्यंत निर्णायक टप्पा आहे. या काळात तुमचं सहकार्य, सजगता आणि प्रेमपूर्वक मार्गदर्शन त्यांच्या यशाचं मूलमंत्र ठरेल.

🧠 पाल्याच्या प्रगतीचा पाया केवळ शाळा किंवा क्लासेस नाही, तर घरातलं पोषक वातावरण, भावनिक पाठबळ आणि सकारात्मक संवाद असतो. म्हणूनच, हे वर्ष फक्त मुलांचं नाही – ते आपलंही परीक्षा वर्षच आहे..!

त्यासाठी पुढील गोष्टी लक्षात घ्या आणि अमलात आणा:

1. 📅 वेळापत्रक ठरवा: त्यांच्या अभ्यास, झोप, खेळ आणि विरंगुळ्याचं संतुलन साधा. शिस्तबद्ध दिनक्रम यशाचं पहिलं पाऊल असतं.

2. 🗂️ अभ्यासाचं नियोजन: प्रत्येक विषयाचा आढावा घ्या, नियमित आढावा बैठक ठेवा आणि वेळोवेळी उद्दिष्टं ठरवा.

3. 👩‍🏫 शाळा व क्लासेसमधील शिक्षकांशी संवाद: शिक्षक म्हणजे पालकांचे भागीदार. त्यांच्याशी स्नेह-संवाद ठेवा, त्यांचं मत ऐका.

4. 🧑‍🤝‍🧑 मित्रपरिवार जाणून घ्या: आपल्या मुलांचे मित्र कोण आहेत, ते कसे आहेत, याबद्दल सुस्पष्ट माहिती ठेवा. चुकीच्या संगतीपासून सावध राहा.

5. 🧭 मुलांची क्षमता ओळखा: प्रत्येक मुलं वेगळी असते. त्यांची बौद्धिक, मानसिक क्षमता आणि अभ्यासातील अडचणी समजून घ्या. तुलना नाही, समजूत आणि साथ हवी.

6. 🥦 शारीरिक आणि मानसिक आरोग्य: संतुलित आहार, पुरेशी झोप, खेळ-व्यायाम आणि भावनिक समतोल याकडे लक्ष ठेवा.

7. 🏡 कुटुंबातील वात्सल्यपूर्ण वातावरण: घरात सकारात्मकता, संवाद आणि सहकार्याचं भाव निर्माण करा. पाल्याला सुरक्षितता आणि विश्वास द्या.

8. 🏫 शाळा व क्लासेसना नियमित भेट द्या: शिक्षणप्रक्रियेत तुमचा सक्रिय सहभाग मुलांच्या प्रगतीला गती देतो.

9. 💬 मनमोकळा संवाद: पाल्याशी केवळ अभ्यासाबद्दल नाही, तर त्यांच्या स्वप्नांबद्दल, भीतींबद्दल आणि विचारांबद्दल बोला. एक ऐकणारा पालक, हजार सल्ल्यांपेक्षा प्रभावी असतो.

10. 🌱 परिणामांपेक्षा प्रयत्नांना महत्त्व द्या: दररोजचे छोटे प्रयत्नच मोठ्या यशाचं बीज असतात. गुणांची आकडेमोड महत्त्वाची असतेच, पण मुलांमध्ये शिकण्याची गोडी, आत्मविश्वास आणि चिकाटी निर्माण करणे हे खरे पालकत्त्व आहे.

🎯 लक्षात ठेवा...✍️

"यशस्वी विद्यार्थ्यामागे एक सतर्क, स्नेही आणि समजूतदार पालक असतो."

चला तर मग... 

या दहावीच्या प्रवासात आपल्या मुलांसाठी आपण खंबीर साथ देऊया. त्यांचं स्वप्न हे आपल्याच डोळ्यांतून साकार होणारं भविष्य आहे!

🌟 सर्व पालक आणि विद्यार्थ्यांना उज्ज्वल भवितव्याच्या मनःपूर्वक शुभेच्छा..!

🙏🏻 *धन्यवाद*🙏🏻

*आपलाच स्नेही आणि मार्गदर्शक..*🙏🏻
#विद्यार्थीमित्र प्रा. रफीक शेख,
🎓 डॉ. ए.पी.जे.अब्दुल कलाम विद्यार्थी फाउंडेशन, परभणी.
https://www.vidhyarthimitra.com